CÉSAR VALLEJO: SPANYA GUHDARA XWE BE

Spanya, guhdara wê Spanyaya xwe be ya ku yekcar di hinavê te de ye!

Guhdara xwe û dasa bêçakûç be!

Guhdara xwe û çakûçê bêdas be!

Guhdara xwe û wî cangorriyî be yê ku dil nake,

ruhstînê ku dil nake,

sersarê ku dil nake!

Guhdara xwe û wî kesî be yê ku sê caran wê te nas neke

berî ku keleşêr bang bidin

û yê ku tu sê caran nas nekiriyî ji vir û ha de jî!

Guhdara xwe û qoqê serê miriyekî be yê ku nîne pê ve hestîkê gîtikê

ya û wî hestîkê gîtikê be yê ku nîne pê ve qoqê seriyekî!

Guhdara xwe û desthilatdarên nû be!

Guhdara xwe û wan kesan be yên ku serê miriyên te dixwin

û yên serê jiyiyên te dadibelihînin mîna miriyan

Guhdara xwe û partîgirên tund be!

Guhdara xwe û wî esmanî be yê ku li tenişta dî ya dinê ye

û ya wê dinê be ya ku li aliyê dî yê esmên e!

Guhdara xwe û her kesî be ku hej te dike

Guhdara xwe û fêrisên xwe be!

Guhdara xwe û miriyên xwe be!

Guhdara xwe û komarê be!

Guhdara xwe û paşerojê be!

Wergêra ji wergerê:

Ferec Koyistanî, gulan, 2024